هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة.
قالت ليه مرتة: دق على الخشب.
الراجل دق على الطبلة. و هي تقول مرته: شكون؟
قال ليها: جلسي نتيا، أنا نمشي نطل شكون
هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟
قال ليهم: لا، و لكن سمعت بأن البكا كيعدب الميت
هادا واحد مكلخ مشى عند مول التلفزيونات و قال ليه: عندك تلفزيونات بالألوان؟
قال ليه لاخور: كاينين
و هو يقول ليه المكلخ: واخا عطيني واحد خضر
هادا واحد الفار سكران بزاف، شافه واحد المش فيه الجوع و بدا يجري عليه باش ياكله. منين بغاو يقطعوا الشانطي، المش دازت عليه طوموبيلة طحناته، و الفار سخف. منين فاق الفار و لقى المش حالته و هو يقول: أواه! واش أن غير نسكر ندير مصيبة
هادا واحد مبوق قال: بسم الله
ناض خوه قال ليه: أهيا! راه حنا كفار، واش نسيتي
قال لي لاخور: أستغفر الله
هادو تلاتة راكبين ف الطاكسي. واحد الوقت، ناض مول الطاكسي زكل واحد لفيراج، و بدا غادي ف واحد الهبطة نيشان للواد.
الراجل اللول بدا يغوت: آ مولاي دريس، آ مولاي يعقوب
التاني تبعه: آ سيدي عبد الرحمان، آ مول المجمر
التالت القرزاز بدا عليهم: آ حبس أوا علي الكونتور، آ حبس عليا داكشي
هادا واحد مولف يتعشى ببيضة وحدة. واحد النهار قالت ليه مرته: اليوم درنا البيض و ماطيشة
و هو يقول ليها: آرا برع! جوج عشاوات
هادو جوج بنات معكازات بغاو يشدوا طاكسي، شيروا ليه و هو يحبس ليهم
وحدة قالت لصاحبتها: تفو! وقف لينا فين كنا غاديين
هادا واحد شابع عياقة. مشى يدوز امتحان ف الفرنسية، سولوه أشنا هو الحديد بالفرنسية. قال ليهم
هادا واحد حول تسجل ف الجيش... ناضوا حطوه ف قسم القصف العشوائي
هادا واحدمشى لسبانيا. جاه الجوع بزاف و هو يمشي لواحد البيسري قال ليه: دوس كوميروس دوس طوريروس
-زعمة جوج كوميرات و جوج لافاش كيري -
واحد المرة قالت لراجلها: نصوب ليك المصمن أولا البعرير؟
قال ليها: صاوبي فمك هو اللول
هادا واحد مبوق كيجريو عليه البوليس و كيهرب ليهم ف الدروبة ما قدروش يشدوه. واحد شوية شافوه راجع عندهم قال ليهم: الدراري، عييت اليوم. حتال غدا و نكملوا
هادا واحد ما يعرفش أشنو هي لاراف. واحد النهار كان مقصر مع صحابه ف واحد البلاصة مشبوهة. شوية جات لاراف. صحابه بداو يجريو و يقولوا : لاراف لاراف لاراف. حتى هو بدى يجري يجري يجري حتى وصل لواحد المركز ديال البوليس و دخل. قالوا ليه البوليس: مالك. قال ليهم: كتجري علي لاراف
هادا واحد مشى لمطعم ف فرنسا، و عيط للجرسون: جرسون، بغيت حريرة عافاك.
قال ليه الجرسون: باردون؟
قال ليه لاخور: لا، ساخنون
حمار قال لخطيبته: إيمتا غادي نتجوجو أ الحمارة؟
قالت ليه: حتى تعرف تهدر أ الحيوان
هادا واحد الفلاح جات عندو صحفية تسولو على البقر
قالت ليه: أشنو كتوكل البقر ديالك؟
قال ليها: شكون فيهم؟ البيض أولا الكحل؟
قالت ليه: البيض
قال ليها: كنعطيهم العلف
قالت ليه: والكحل؟
قال ليها: حتى هوما كنعطيهم العلف
قالت ليه: وفين كتدير البقر ديالك
قال ليها: شكون فيهم؟ البيض أولا الكحل؟
قالت ليه: البيض
قال ليها: كنديرهم ف الحوش
قالت ليه: والكحل؟
قال ليها: حتى هوما كنديرهم ف الحوش
قالت ليه: إيلا سرحتي بالبقر ديالك فين كتديهم؟
قال ليها: شكون فيهم؟ البيض أولا الكحل؟
قالت ليه: البيض
قال ليها: كنسرح بيهم حدا الواد
قالت ليه: والكحل؟
قال ليها: حتى هوما كنسرح بيهم حدا الواد
تعصبات الصحفية وقالت ليه: واش نتا فينما نسولك كتقول ليا واش البقر البيض أولا الكحل ونتا داير ليهم كولشي بحال بحال؟
قال ليها: لا، لحقاش البيضين دياولي
قالت ليه: والكحلين؟
قال ليها: حتى هوما دياولي
هادا واحد شرى حاسوب (بي سي) باقي جديد، و هو تسولو جداه: أشنو هادا أوليدي؟
قال ليها: جدة كتعرفي الرابوز؟
قالت ليه: آه أوليدي كنعرفو
قال ليها: إيوا راه ماشي هو هادا
الأربعاء سبتمبر 25, 2013 7:00 pm من طرف wafa rouabhia
